Breaking News

കോവിഡിനെ തുടർന്ന്​ ഒമാനിൽ മലപ്പുറം സ്വദേശികളായ ​രണ്ട്​ മലയാളികൾ കൂടി മരിച്ചു

 

മസ്​കത്ത്​: കോവിഡിനെ തുടർന്ന്​ ഒമാനിൽ രണ്ട്​ മലയാളികൾ കൂടി മരിച്ചു. മലപ്പുറം സ്വദേശികളാണ്​ മരിച്ചത്​. വളാഞ്ചേരി വലിയകുന്ന്, കൊടുമുടി സ്വദേശി പതിയാൻ പറമ്പിൽ മരക്കാരി​െൻറ മകൻ സാബിത് (36) വെള്ളിയാഴ്​ച രാത്രിയോടെ സുഹാർ ആശുപത്രിയിലാണ്​ മരണപ്പെട്ടത്​.


കുറച്ച്​ ദിവസങ്ങളായി ചികിൽസയിലായിരുന്നു. സുവൈഖിൽ ദോസ്തീൻ സൂപ്പർ മാർക്കറ്റിലെ ജീവനക്കാരനായിരുന്നു. നഫീസ മാതാവും ഫാരിഷ സാബിത് ഭാര്യയുമാണ്​. മക്കൾ: ഫാത്തിമ ഷഹ്‌മ, മുഹമ്മദ് ശമ്മാസ്. സഹോദരങ്ങൾ: ഷിഹാബ്, ഷഫീഖ് (ഒമാൻ), ഷാഹിന.


പെരിന്തൽമണ്ണ താഴേക്കോട് സ്വദേശി കൊളച്ചാലി അബൂബക്കർ ( 62) സലാലയിലാണ്​ മരണപ്പെട്ടത്​. ന്യൂമോണിയ ബാധിതനായി കുറച്ചു ദിവസമായി സലാല സുൽത്താൻ ഖാബൂസ് ആശുപത്രിയിൽ ചികിത്സയിലായിരുന്നു. നേരത്തെ അൽ കൗസർ വാട്ടർ കമ്പനിയിൽ ജോലി ചെയ്തിരുന്നു. ഖദീജയാണ്​ ഭാര്യ. മക്കൾ: മൈമൂന പർവീൺ, മുഹമ്മദ് ഫാസിൽ, അബ്​ദുൽ സാഹിൽ. വെള്ളിയാഴ്​ച ഡോക്​ടർ അടക്കം നാല്​ മലയാളികൾ കോവിഡ്​ ബാധിച്ച്​ മരിച്ചിരുന്നു.

No comments